лебот со пиво е многу вкусен, ама јас повеќе го сакам овој, од интегрално брашно. рецептот е ист, само интегралното брашно бара повеќе течност.

3 шољи интегрално брашно (или 2 шољи интегрално, 1 шоља бело)

1 кесичка прашок за пециво

1/2 лажица шеќер (и не мора)

1 лажичка сол

400 ml пиво

подготовката е иста како и за белиот леб. и навистина не може да се згреши со брашното, какво имате – такво. сум го правела овој леб и со мешавина од интегрално и тип 400 или тип 500. секако е добро. еднаш немав доволно пиво, па количината ја дополнив со кисела павлака. тоа беше добар леб. во друга прилика го направив со додавање парченца сланина и карамелизиран кромид. можете да замислите колку беше вкусен.

измешајте ги сите состојки со лажица или вилушка додека не се соединат убаво. префрлете го тестото во калап намачкан со масло или путер и малку израмнете го.

печете го лепчето во загреана рерна на 200°C oколу 40 минути, додека кората не се зарумени убаво. проверете дали е готово со боцкање со нож во средината. ако ножот излезе чист, лепчето е испечено. ако површината е добро испечена, пред да биде готово во средината, покријте го лабаво со алуминиумска фолија или хартија за печење.

јас го немам веќе тавчето од претходниот пост, тие слики се прилично стари. во меѓувреме уште неколку такви тавчиња купив, ама многу брзо се изгребаа и сега сакам да најдам некое убаво керамичко или стаклено. до тогаш печам во овој стар калап од баба ми, кој е супер за колачи, ама за лебов направив преграда на краевите од згужвана хартија за печење.

the beer bread from the previous post is delicious, but i prefer this whole wheat variation. the recipe is basically the same, except the whole wheat flour needs more liquid.

3 cups whole wheat flour (or 2 sups whole, 1 cup white flour)

1 tablespoon baking powder

1/2 tablespoon sugar (optional)

1 teaspoon salt

400 ml beer

the method is the same. any flour can work in this recipe, really, whatever you have on hand. and once i didn’t have enough beer and used sour cream. at another occasion i added bacon bits and caramelized onions in the batter. it was delicious.

mix everything with a spoon or a fork until evenly combined. pour the batter in an oiled or buttered bread pan and try to flatten it.

bake the bread in an oven preheated at 200°C for 40 minutes, or until the crust is golden and a knife inserted in the middle comes out clean. cover loosely with aluminum foil or parchment paper if the top starts browning too much, and the middle needs more baking.