толку многу ги сакам овесните снегулки, што никако да ги објавам рецептиве. почнувам да пишувам, па се предомислувам, никако да ги најдам вистинските зборови да ги опишам и постојано одложувам. а поважно е да ви кажам дека овесните снегулки се многу вкусни, ептен лесно се подготвуваат и се комбинираат со сé и сешто, па сигурно ќе најдете нешто што ќе ви биде по мерка.
за каша од сурова хељда не ви треба строг рецепт. откако ќе отстои во вода, изблендирајте ја со некоја течност (млеко, јогурт, кефир, растително млеко, сок…), зрна, семки, јаткасти плодови, свежо и/или замрзнато овошје, зачини (ванила, цимет…), нешто за заблажување (мед, суви овошја…). испробајте разни комбинации и видете што најмногу ви се допаѓа, а еве како ние ја јадевме за појадок пред некој ден.
пред некое време почнав да ги правам овие топчиња за секое качување на планина и секогаш се добро примени. ги правам колку залче, и таман се, ме живнуваат, ама не само на планина или после трчање, туку и после работа или во било кое друго време кога ми фали малку енергија.
да ја почнеме годината на ситно сецкано со вкусен и лесен рецепт за крекери со тиква, посипани со разни крцкави додатоци. вкусни се со гвакамоле, хумус, сос од грав или пинџур, а и сами.
веќе некое време и кај нас може да се најде киноа. ако не сте ја пробале до сега, направете го тоа. киноата многу лесно и брзо се готви, а може да се употреби наместо ориз, кус-кус, булгур или друга житарка. добро оди со печен зеленчук, месо и риба, може да се стави во супи и чорби или во салати, вкусна е и долго ќе ве држи сити. а овде ви ја предлагаме киноата како дел од вкусни колачи, кои се супер со ладно кафе или ладен чај.