многу ми е тешко да пишувам рецепти, ретко ги правам јадењата исто. оваа салата најчесто ја правам вака, па еве, ја запишав. сакам да ја имам тука затоа што сите дома ја сакаме.
Continue Reading…
во последно време многу ни се битни јадења што брзо се прават. не мора кратко да се готват, важно подготовката да е кратка и брза, а сепак да се вкусни и недосадни. ова е едно такво.
дали понекогаш ви останува неиспиено вино? ни нас. сепак некогаш, ретко, може да се случи да ни остане, па еве една идеја како да се искористи. ова е од оние јадења кои ги правам без рецепт. често правам такви јадења, и не мерам, користам состојки кои ги имаме во моментот, не запишувам и јадењето при секое правење е различно.
Ако имате ваков неглазиран глинен сад за печење, не чекајте како мене со години, да го употребите. кокошката испечена во него е толку сочна и мека, а зеленчуците убаво испечени. ние го јадевме ова со песто од ливчиња од морков со павлака.
тортиљава е одличен начин да се искористат печени компири останати од некој претходен ручек. иако, толку е добра, што вреди и да се испечат специјално за неа.
сите знаеме дека е добро да се јаде риба, барем еднаш неделно… или три пати. ние најчесто јадеме пастрмка, едноставно испечена, а кога имам време ѝ додавам компири и кромид. вака испечен, кромидот е многу вкусен, стопен и сладок.
пинџурите се можеби повеќе летно јадење. лепче, сиренце и пинџур може да биде комплетен ручек во лето. не знам зошто ми требаше толку време да се фатам да го сликам пинџурот, ама не верувам дека некој би одбил пинџур ни на есен, иако времево не е многу есенско деновиве.
долго динстано свинско на тивко е една од најдобрите работи кои ги прави мајка ми. јас со ова парче свински врат решив да направам нешто друго, инспирирана од многуте рецепти за свинско по интернет. во мешавината зачини има и кафе и шеќер, ама на крајот нема да приметите дека ги има, туку со нив месото добива убава зачинета коричка и е толку меко што се распаѓа само со вилушка. а компирите вака испечени ни се обавезен и омилен начин на готвење кога се млади, ама покрупни, не ситни.
не можев да одолеам да не ги купам овие млади компирчиња пред некој ден на пазар. можеби претерав со бирање на најситните, ама ми изгледаа многу слатки.
јанија е едно од моите омилени јадења. долго се готви, ама нема многу работа. може и сите зеленчуци да ги ставите на почетокот одеднаш, ама јас не сакам да ги преварам морковите па ги додавам во манџата при крај. овој пат додадов и сладок компир, кој убаво се вклопи.
прекрасен неделен ручек. солените марокански лимони повторно си го направија своето. ако не сте ги направиле до сега, сега е моментот. се разбира, ако немате солени марокански лимони, можете да употребите рендана кора и сок од свеж лимон и да додадете сол.
рецептот за ова кари е од џејми оливер. тој користи кокосово млеко, кое јас го заменив со кефир. ми се допаѓаат индиските кари манџи зготвени во јогурт, и пилешкото месо стоено во јогурт станува меко и сочно, ама во последно време правам дома кефир и секогаш го имам, па овој пат употребив кефир. слободно можете да го направите ова кари со јогурт, кисело млеко или кокосово млеко.