ни беше роденден и ни помина, а не успеавме како што треба да го “прославиме”. конечно, имаме торта вредна за оваа прилика, 9-ти роденден на ситно сецкано. не е класична торта во слоеви, не сум многу по таквите, освен чоколадната која ја правам скоро за секој роденден, ама во последно време овој куглоф ѝ го зазема местото. го правев со цреши, вишни и капини и сите варијанти се вкусни, ама со вишни е некако најсвежа.
за каша од сурова хељда не ви треба строг рецепт. откако ќе отстои во вода, изблендирајте ја со некоја течност (млеко, јогурт, кефир, растително млеко, сок…), зрна, семки, јаткасти плодови, свежо и/или замрзнато овошје, зачини (ванила, цимет…), нешто за заблажување (мед, суви овошја…). испробајте разни комбинации и видете што најмногу ви се допаѓа, а еве како ние ја јадевме за појадок пред некој ден.
го празнам замрзнувачот од лански работи и правам место за нови овошја и зеленчуци. од тоа произлезе ова колаче со капини, кое би било исто вкусно и со други пролетни или летни овошја, свежи или замрзнати.
ни се расипа рерната. добро е што овие вртелешки ги направив пред тоа да се случи. инспирацијата дојде од кремот од павлака и портокал и свежите капини и боровинки кои ги имавме дома.
коблер обично се прави како овој со праски на маја. таа многу убаво го прави, еднаш дури донесе рабарбара од холандија за да ни направи коблер со рабарбара.
еве едно лесно колаче со овошје. рецептот го начекав на design sponge, а е од една дизајнерка на текстил и илустраторка чија работа ми се допаѓа, лена корвин.
колачево ептен лесно се прави, а може да се стави и друго овошје, како јаболки, сливи, боровинки, што ќе ви се најде при рака. јас имав праски и капини.
1/4 путер
рендана кора од еден лимон
1 шоља брашно
2 јајца
3/4 шоља шеќер
1 лажица кафеав шеќер
1 кесичка ванилин шеќер
1 кесичка прашок за пециво
2 шољи сецкано овошје
1/4 лажичка цимет
scroll down for the recipe in English
факт е дека многу ги сакам овие пити, малце тесто, многу фил. многу сакам колачи со овошје. свежо овошје воопшто и не ми се јаде. а во оваа пита капините така убаво се стопија и се претворија во фил за кој и тањирот би го излижале. рецепт прилагоден од design sponge.
тестото е истото кое секогаш го правам
за филот:
6 шољи капини, свежи или одмрзнати (моите беа одмрзнати)
3/4 шоља бел шеќер
1/4 шоља кафеав шеќер
5 лажици брашно
2 лажички рендана кора од лимон
2 лажици путер, исечен на коцкички
тестото направете го како што пишува во рецептот за питата со вишни. измијте ги капините и убаво исцедете ги. измешајте ги шеќерите, брашното и кората од лимон, па додадете им ги капините и лесно промешајте.
натапкајте 2/3 од тестото на дното и страните на тавче со пречник од 20 cm, по можност онакво на кое му се вади дното. сипете ги капините и ставете врз нив коцки путер. исукајте ја останатата третина тесто во круг со пречник малку поголем од тавчето. намачкајте ја ивицата на тестото во тавчето со малку вода, ставете го кругот и залепете го со ивицата. можете да направите украсни засеци со вилушка или со прсти. во средината засечете го малку тестото за да може пареата да излегува.
печете ја питата во долната третина на загреана рерна на 200°C околу 15 минути, па намалете ја температурата на 180°C и печете ја уште 40-45 минути или додека тестото не стане убаво заруменето.
i really like fruit pies, and this one was particularly delicious. recipe adapted from design sponge.
the pastry is the same one that i allways make for fruit pies
filling:
6 cups fresh or frozen and thawed blackberries (mine were frozen and thewed)
3/4 cup granulated sugar
1/4 cup light brown sugar
5 tablespoons all-purpose flour
2 teaspoons grated lemon zest
2 tablespoons butter, cut into small pieces
make the crust acording to the instructions from the cherry pie. wash and drain the blackberries. mix the sugars, flour and lemon zest and then add the blackberries and toss lightly.
press two thirds of the pastry dough on the bottom and sides of a 20 cm pie pan and spoon the blackberry mixture into the pastry. put pieces of butter over the filling. roll the rest of the pastry dough in a circle a little bigger than the pan. moisten the edge of the bottom crust with water, put the circle over the filling and seal the edges.crimp the edges with a fork or make a pattern with your fingers.
bake the pie in the lower third of the preheated oven at 200°C for 15 minutes. reduce the oven temperature to 180°C and bake for 40 to 45 minutes, until the crust is golden brown.