сакав да ја искористам уште малку сезоната на тикви, па го направив овој брз тарт, во кој тиквата е тенко исечена за лесно да се испече, и само малку зачинета и со малку шеќер, за да се осети нејзиниот карактеристичен вкус.
сум ја спомнувала и порано динстаната тиква, ама бидејќи е најчестиот начин на кој готвам тиква за пита, колачи или било кој рецепт во кој се користи пире од тиква, мислам дека заслужува свое посебно место. особено што вака зготвена ми е многу повкусна отколку испечена, прелиена со малку сируп кој се создава на дното од тенџерето.
нашето новогодишно колаче. иако јас го направив со кинеска мешавина од пет зачини (анис, анасон, црн бибер, цимет и ѓумбир), можете да ставите и некои други кои одат добро со тиква: каранфилче, пимент, мускатно оревче, кардамом, ванила…
ми претставува особено задоволство да ви раскажам за преплет. ако не сте чуле за нив, веднаш разгледајте го нивниот сајт, ќе најдете многу интересни работи дизајнирани од викторија и магдалена. тие ни предложија соработка на нивниот последен каталог и јас бев пресреќна дека ќе можам да зготвам нешто за нив, а даниел сето тоа да го фотографира. и, еве ги рецептите за кишовите и мафините кои се најдоа на страниците на каталогот, покрај штосните предмети со откачени пораки.
да ја почнеме годината на ситно сецкано со вкусен и лесен рецепт за крекери со тиква, посипани со разни крцкави додатоци. вкусни се со гвакамоле, хумус, сос од грав или пинџур, а и сами.
рецептот за пита со тиква го објавивме уште во 2009та година. оттогаш, со секое ново правење, менував по нешто. во тестото редовно ставам по малку пченкарно брашно, го правам со путер, наместо маргарин, ставам прилично повеќе тиква и ја печам во малку поголемо тавче, па филот не е премногу висок и порамномерно може да се испече.
кога ќе купите на пазар тиква од 6 kg, од неа можете неколку пати да направите пита, колач, мафини, супа, салата или смути. можете и да замрзнете дел од пирето од тиква за правење колачи кога тиквите ќе ги нема на пазар, а можете да пробате и нешто ново, како овие солени пити со тиква и печурки. ние дома повеќе сакаме пити од тиква во блага варијанта, ама и овие солениве не беа воопшто лоши. тестото лесно се развлекува тенко, а кога ќе се испече е крцкаво од афионот, а филот е повеќе или помалку слатко-солен, во зависност од тоа колку е блага тиквата.
дома ретко јадеме вакви салати, со некоја житарка, иако се вкусни и е многу здраво да се јадат житарките цели и необработени. оваа шарена салата не може да не биде вкусна и здрава со сите интересни состојки во неа. и многу е згодна за прилагодување, употребете тоа што имате. наместо јачмен – просо, булгур, кус-кус…, наместо тиква – цвекло или моркови, наместо ф’стаци – бадеми, лешници, ореви, семки од тиква или сончоглед… тука добро би дошле и брокула или зелена салата.
сите супи од тиква што сум ги направила до сега биле добри, ама не доволно за да се најдат тука. моркови, кари, мускатно оревче и разни други зачини се најдоа во нив, ама тоа не беше тоа. сé додека не додадов праз, лута пиперка и кокосово млеко. вкусот на тиквата пак е тука и е јак, ама заедно со сите други состојки се добива супа од која ќе сакате да си дотурите.
Не знам за вас, ама во есен можам да јадам тиква во различни варијации секој ден. Сега e сезоната да се јадат тикви и ова е еден од рецептите кој се надевам ќе ве инспирира (не е баш ни рецепт, повеќе како идеја).
Scroll down for the recipe in English.
Всушност денеска планирав да ставам друг рецепт (без тиква и покомплициран) ама сонцето грее надвор и е совршен есенски ден, па во замена за комлицираниот пост, ви го нудам ова фрапе од тиква (и сега одам да возам точак во парк и да шетам врз крцкави шарени есенски лисја).
За фрапе за 1:мала чаша месо од тиква (претходно издинстана, сварена на пареа или печена, и оладена)
пола банана
околу 150 мл. млеко, млеко од соја или ванила благ јогурт
пола лажиче цимет (а може и ронка ѓумбир во прав, каранфилче во прав)
1-2 коцки мраз
Во блендер измешајте ги сите состојки околу 1 минута, дур не добиете мазно, густо фрапе. Уживајте !
Ви требаат други идеи што да правите со тиква? Еве: тиква на пареа за сладолед и мафини,
I love love love pumpkin and in the fall, I could eat it every day. This is more of an idea and less than a recipe and it’s really simple.
For 1 smoothie:
1 cup pumpkin puree (from a can or cooked and cooled at home)
half a banana
~ 150 ml or just over a half cup of milk, soy milk or vanilla yogurt
half a teaspoon cinnamon (and optional: a pinch of pumpkin pie spice, or ground ginger and cloves)
1-2 ice cubes
Blend everything for a minute until smooth. Enjoy !
Need more ideas what to do with your pumpkin: pumpkin pie, pumpkin bread, pumpkin pancakes, steamed pumpkin for ice cream and muffins.
scroll down for the recipe in english
од досегашното готвење на пареа цвекло, круши, аспарагус и други работи видов дека готвењето на пареа им прави добро на овошјето и зеленчукот: им го интензивира вкусот. ме интересираше што ќе и направи на тиквата и не ме разочара. освен што и ја засили портокаловата боја, и вкусот не заостана.
и овој, како и претходните рецепти на пареа, е во соработка со electrolux.
со тиква, на есен често правам мафини, колач или пита и обично ја динстав за да добијам пире. отсега ќе ја правам на пареа, повкусна е и не треба да се цеди, а има доволно влажност.
со пирето добиено од тиквата зготвена на пареа решив да направам сладолед според овој рецепт и мафини.
мафините беа добри како и секогаш, дури и подобри поради поинтензивниот вкус на тиквата, ама за сладоледот немам толку добро мислење.
пире од тиква:
тиквата исечете ја на парчиња и исчистете ја од семките. мојата не беше многу голема и јас ја исеков на 8. ставете ги парчињата во решеткаст сад, па во тенџере со вода што врие, и поклопете ја со капак. ако треба завиткајте го капакот со фолија за да не излегува пареа надвор.
после 10тина минути проверете со боцкање со вилушка дали е омекната. ако не е, оставете ја уште да се готви.
кога ќе омекне, извадете ги парчињата во чинија, почекајте да се оладат па тргнете им ја лушпата и изгмечете ги во пире.
сладолед од тиква:
1/2 шоља млеко ставете во тенџерче на тивко заедно со 1 лажичка нескафе, 1/2 шоља шеќер, 2 лажици мед, 1 лажичка цимет, 1/2 лажичка кардамом и 1 кесичка ванилин шеќер. мешајте додека сé не се растопи во млекото.
изматете една кесичка шлаг и во него измешајте ги млекото и 1 шоља пире од тиква.
сипете го сето тоа во пластична кутија и замрзнете го.
звучи како интересна комбинација, ама вкусот е некако прејак. и кафе и мед и цимет и кардамом. можеби би било поубаво со два шлага или само со цимет, само со кафе, само шеќер, без мед… треба да се проба.
from our previous steam cooking beetroots, pears, аsparagus and other things we concluded that steam does good to fruit and vegetables: it intensifies their flavour. i was curious what it will do to a pumpkin and i wasn’t disappointed.
i usually use pumpkin to make muffins, bread or pie and i usually cook it in a little water to make pumpkin puree, but after this i’ll always steam it.
with the steamed pumpkin puree i made ice cream after this recipe and muffins.
the muffins were good as always, even better because of the more intense pumpkin flavour. but i’m not sure about the ice cream.
pumpkin puree:
cut the pumpkin and remove the seeds. mine wasn’t too big and i cut it in 8 pieces. put the pumpkin pieces in a collander and over a pot of boiling water and cover tightly.
after 10 minutes check if the pumpkin is tender, if not, leave it to steam more.
when done, take the pieces on a plate, let cool, peel and mash.
pumpkin ice cream:
in a sauce pan combine 1/2 cup milk with 1 teaspoon instant coffee granules, 1/2 cup sugar, 2 tablespoons honey, 1 teaspoon cinnamon, 1/2 teaspoon cardamom and 1 sachet vanilla sugar. stir so sugar, honey and spices “melt” into milk. remove from heat and stir in 1 cup pumpkin puree and 200ml whipped cream. pour into a freezer container and freeze.
it sounds like an interesting combination, but i think it would be better if there is only coffie, or only cinnamon… i should try it some day.
пред неколку дена се наканив да направам палачинки. рецептот ми е од мајка ми и лесно се прават, освен што треба да се стои до шпорет подолго време. рецептот е ваков:
3 јајца
250 ml обична или кисела вода
250 ml млеко
15 лажици брашно
сето се мати, може да се додаде уште вода, млеко или брашно, по потреба. треба да биде ретка маса. се остава во фрижидер пола саат и пред пржењето се додава малку зејтин.
поголемиот дел од смесата веќе ја испржив и мартин веќе изеде неколку со сирење и неколку со еурокрем кога ми текна да додадам динстана тиква (која ја имавме во фрижидер) во смесата. палачинките со тиквата излегоа подебели, ама беа многу вкусни со уште динстана тиква или со еурокрем.
a few days ago i decided to make some pancakes. the recipe is from my mother and it’s very simple:
3eggs
250 ml water
250 ml milk
15 tablespoons flour
mix everything, add more water, milk or flour if needed. the dough should be fairly thin. leave in the fridge for half an hour, then add a little oil and fry the pancakes.
i fried most of the dough like this, but then i got an idea to put some pumpkin puree in the dough. these pumpkin pancakes are thicker, but they were very tasty with more pumpkin and with nuttela.