нашето новогодишно колаче. иако јас го направив со кинеска мешавина од пет зачини (анис, анасон, црн бибер, цимет и ѓумбир), можете да ставите и некои други кои одат добро со тиква: каранфилче, пимент, мускатно оревче, кардамом, ванила…
еве ме во последен момент да ви дадам идеја или две за домашно зготвени подароци за нова година.
пред некое време почнав да ги правам овие топчиња за секое качување на планина и секогаш се добро примени. ги правам колку залче, и таман се, ме живнуваат, ама не само на планина или после трчање, туку и после работа или во било кое друго време кога ми фали малку енергија.
остана уште многу малку време до доаѓањето на новата година, само неколку денови, но доволно да ги подготвите последните домашно-зготвени подароци. ви предлагаме сами да направите сенф, со јак вкус, хариса, за љубителите на луто и чоколадни распукани колачи, кои ќе бидат добредојдени и од децата и од возрасните. а за повеќе идеи разгледајте ги нашите претходни домашно-зготвени новогодишни подароци.
во овие колачи има четири различни типови ѓумбир: изрендан свеж, мелен сув, ушеќерен и сируп од ѓумбир, ама сепак тој не е пренагласен. колачиве се ем доволно ѓумбирести, ем слатки.
според мене, најдобар сладолед е овој со кој пораснав, ванила или чоколадо, совршена основа за додавање вкусови. ама сакав да пробам некој без млеко и јајца и еве, начекав еден топол викенд (минатиот) и го направив овој сладолед од индиски ореви, кокосово млеко, црн чај и зачини. ако сте пиеле црн чај со млеко и зачини, знаете што можете да очекувате. сладоледов има баш таков вкус.
времево можеби е претопло за готвење и јадење вака луто и зачинето јадење, ама кога ќе ми се пријаде нешто индиско, тешко дека било што ќе ме расколеба, па ни топлото време.
не е дека немаме до сега правено превртени колачи. баш ова со сливи ни е едно од омилените дома, или истото во зима со јаболка, или ова со цреши и меко како душа тесто од пченкарно брашно. ама ова со кајсии е различно. прво, со кајсии е, иако многу е вкусно и со сливи или со комбинација од сливи и кајсии. второ, во тестото има многу ѓумбир и многу павлака.
пред скоро 2 години направивме една лимонада со краставица и ѓумбир, наречена “бесна лимонада” од наши читатели кои ја пробале, која не можевме ни да претпоставиме дека ќе стане нашиот најпопуларен објавен рецепт. ладниот чај, кој ви го претставуваме денеска е сериозна конкуренција на лимонадата, неверојатно освежителен и со интересен киселко-сладок-лут вкус од лимонот и сирупите од калинка и ѓумбир.
сигурно веќе сте приметиле дека ние дома многу сакаме ѓумбир. ок, не сите ние дома, само јас.
овој сируп од свеж ѓумбир е многу вкусен. јак е, ама ако ставите по малку врз сладолед, овошна салата, чоколадни или овошни колачи или фрапе, дава многу убав ѓумбирест шмек.
идејата за оваа лимонада е од еден сајт за здрава исхрана/вежбање/слабеење, каде што пишува дека оваа лимонада помага во одржувањето рамен стомак. не можам да тврдам ништо за рамниот стомак, ама тврдам дека пијалоков е многу освежителен, особено за топли денови како денес.*