пинџурите се можеби повеќе летно јадење. лепче, сиренце и пинџур може да биде комплетен ручек во лето. не знам зошто ми требаше толку време да се фатам да го сликам пинџурот, ама не верувам дека некој би одбил пинџур ни на есен, иако времево не е многу есенско деновиве.

scroll down for the recipes in english

пинџурот од печени пиперки, домати и модри патлиџани го направив онака како што го прави секогаш мајка ми, само употребив мали бели модри патлиџани. се покажа дека имаат многу семки, ама воопшто не горчат.

другиот пинџур (некои го викаат макало), од компири и везени пиперки, многу пати сум го јадела на гости, ама никогаш не сме го правеле дома. сега видов дека многу лесно се прави и особено ми се допаѓа кога е многу луто.

пинџур од компири и везени пиперки

2 компира

2 везени пиперки, лути или благи

2 чешниња лукче

½ лажиче сол

3 – 4 лажици масло

измијте ги убаво компирите и пиперките и ставете ги да се варат во тенџере со капак. јас ги ставив прво компирите, а десетина минути откако водата зовре, ги додадов везените пиперки, исчистени од семки. варете ги компирите и пиперките на тикво, со капак, додека компирите не се целосно сварени.

извадете ги компирите и пиперките во чинија да се подоладат. истолчете ги лукчињата со солта. исецкајте ги везените пиперки и истолчете ги заедно со лукчето. излупете ги компирите и истолчете ги и нив заедно со лукчето и пиперките. ако се многу суви, ставете 2 – 3 лажици од течноста во која се вареа. јас го сакам ова макало со парченца компири, а не целосно истолчени како пире, а оставив и пола пиперка неистолчена и ја додадов на крајот, ситно исецкана.

загрејте малку зејтин и прелијте го макалото со него. промешајте, проверете дали треба да се додаде сол и макалото може да се послужи.

пинџур од печени зеленчуци

количините за овој пинџур се оноа што во мометот го имав, инаку нема некој строг рецепт. може да ставите повеќе пиперки, повеќе модри патлиџани, како ви душа сака, и да го направите помалку или повеќе лут.

2 мали модри патлиџани

3 патлиџани

3 зелени пиперки

1 црвена пиперка

1 мала црвена пиперка

2 – 4 чешниња лукче

½ лажиче сол

3 – 4 лажици масло

ставете го зеленчукот да се пече во тавче обложено со хартија за печење, на 250°C, околу 30 минути до 1 час, во зависност од големината. проверувајте го од време на време, а некаде на средина на печењето превртете го. извадете ги зеленчуците од рерна и префрлете ги модрите и црвените патлиџани во плитка чинија да се ладат, а пиперките во длабока чинија која ќе ја ставите во кеса за да се спурат за лесно да се излупат, и оставете ги околу 30 минути.

исолчете ги лукчињата со сол, додајте ги пиперките, излупени и исчистени од семки, истолчете. излупете ги модрите, додајте ги кај пиперките и истолчете ги. потоа излупете ги патлиџаните и исецкајте ги. ако сакате погуст пинџур, не ја ставајте течноста од патлиџаните, јас ја ставив. истолчете ги и патлиџаните, ставете уште сол по вкус и прелијте го пинџурот со врел зејтин.

направениот пинџур може да стои во фрижидер неколку дена. а печените зеленчуци можат да се замрзнат, излупени, исецкани или цели, заедно, или во посебни кесички, спремни за правење пинџур во текот на зимата.

these dips or relishes made with peppers, called pindzur, are a staple summer food here, in macedonia. some bread, white cheese and a bowl of pindzur is a favorite summer lunch. i don’t know why it took me so long to write about pindzur, but i recommend you try it, it’s delicious.

the one made with roasted vegetables is made after my mother’s recipe, i just used white eggplants. they turned out to have a lot of seeds, but were not bitter at all.

the other pindzur is made with potatoes and “vezeni” peppers. i think they are grown only in macedonia and the neighbouring countries and their name “vezeni” (meaning “embroidered”) comes from the lines that look like embroidery along the pepper. they are usually very hot.

pindzur with potatoes and vezeni peppers

2 potatoes

2 vezeni peppers

2 cloves garlic

½ teaspoon salt

3 – 4 tablespoons oil

wash the potatoes and peppers and seed the peppers. put the potatoes in a pot with enough water to cover them. cover the pot and bring to boil. lower the heat, cook for 10 minutes, then add the peppers and cook on low heat, covered, until the potatoes are cooked.

take the potatoes and peppers out of the water and put on a plate to cool. grind the garlic cloves with salt in a mortar and pestle. chop the peppers, add to the garlic and grind. peel the potatoes, add to the garlic peppers and grind. if the potatoes are too dry, add a few tablespoons of the cooking liquid. i like this pindzur with chunks of potatoes and i even left ½ a pepper, just chopped, not ground with the garlic.

heat the oil and pour over the pindzur. stir, adjust the seasoning and serve.

pindzur with roasted vegetables

the quantities for making this pindzur are never strict, you can put more peppers, or more eggplant. this is what i had when i made mine. use hot or sweet peppers, according to taste.

2 small eggplants

3 tomatoes

3 green peppers

1 red pepper

1 red chilli pepper

2 – 4 cloves garlic

½ teaspoon salt

3 – 4 tablespoons oil

wash the vegetables and arrange on a parchment lined baking sheet. roast at  250°C, around 30 minutes to an hour, depending on the size of the vegetables. check them frequently and turn them once when they are half cooked.

transfer the tomatoes and eggplants in a shallow dish and leave to cool. put the peppers in a deep dish, put the dish in a plastic bag and leave for 30 minutes to let them steam to become easier for peeling.

peel the eggplant and tomatoes. peel and seed the peppers. grind the garlic with salt in a mortar and pestle. add the peppers and grind, then add the eggplants and grind again. chop the tomatoes and add to the peppers and eggplants and grind. leave out the tomato juice if you want thicker pindzur. grind everything together, adjust the seasoning and pour hot oil over the pindzur.

the pindzur can be stored in the fridge for a few days, but you can freeze the roasted vegetables, peeled and chopped or whole, together or in separate freezer bags.