како и секоја година, и оваа ви предлагаме неколку вкусни подароци кои би можеле да ги подготвите сами дома за своите блиски и пријатели, а и идеи за нивно уживање.

ТОПЛО ЧОКОЛАДО НА СТАПЧЕ

за време на нашиот престој во холандија пред нешто повеќе од еден месец ги забележавме овие чоколатца на стапче кои ако се потопат во жешко млеко постепено се растопуваат и добивате вкусно топло чоколадо. мартин ги испроба таму, а јас кога се вративме пробав да ги направам. првиот рецепт што го пробав вклучуваше слатка павлака и згуснато млеко. иако растворено во млеко беше многу вкусно, дури ни после цел ден во фрижидер не се стврдна доволно за да може да стои на стапче. ама затоа другиот рецепт кој го најдов ем е полесен за правење, ем дава убави коцки за топло чоколадо. ќе ви треба некоја модла за коцките, јас користев кутија за мраз.

рецептот е од овде.

за 10 чоколадни коцки

200 g чоколадо (јас користам темно, ама можете да употребите и млечно)

3 лажици какао

5 лажици шеќер во прав

10 стапчиња за сладолед или за лижавчиња

стопете го чоколадото во мало тенџере поставено врз друго тенџере во кое полека врие вода. потоа тргнете го од шпорет, додајте ги шеќерот и какаото и убаво измешајте. ако мешањето оди тешко, вратете го тенџерето со чоколадо врз жешката вода на кратко и продолжете да мешате. само внимавајте да не влезе вода во смесата, затоа што чоколадото може веднаш да се стврдне или воопшто нема да се стврдне во модлата.

кога шеќерот, какаото и чоколадото убаво ќе се соединат, префрлете ја смесата, која е прилично густа, во модлата за лед и во средината на секоја коцка забодете по едно стапче за сладолед. оставете го чоколадото неколку часа на собна температура, да се стврдне. потоа извадете ги коцките од модлата и чувајте ги на собна температура во кутија.

кога ќе сакате да се напиете топло чоколадо, само потопете една коцка во жешко млеко и промешајте додека чоколадото не се стопи.

во смесата може да се додаде мелен цимет, каранфилче или ванила, или дури и малку лут црвен пипер за топло чоколадо со мексикански шмек.

HOT CHOCOLATE ON A STICK

we tried hot chocolate on a stick in the netherlands last month. martin really liked to dip the chocolate cubes in hot milk, so when we came back, i tried to recreate the hot chocolate on a stick. the first recipe i tried included heavy cream and evaporated milk and, although tasted delicious once stirred into hot milk, it never firmed up enough to stay on the stick, even after whole day in the fridge. but the other recipe i tried proved to be easier to make and yields firm chocolate cubes. you will need a mold for them, i used an ice cube tray.

the recipe is from here.

for 10 chocolate cubes

200 g chocolate (i use dark, but also milk chocolate can be used)

3 tablespoons cocoa

5 tablespoons confectioner’s sugar

10 ice-cream or lollipop sticks

melt the chocolate in a small saucepan over a pot of simmering water. remove from heat, add the cocoa and sugar and stir until everything is equally incorporated. if it’s too thick, put the saucepan back over the hot water and continue stirring. be careful not to let any water come in the chocolate, because it will seize-up.

when everything is mixed well you’ll have a thick, but still pourable mixture. pour it in the ice cube tray, put a stick in the middle of every cube and leave at room temperature to harden. when the cubes are completely cooled and hardened, remove them from the ice cube tray and keep at room temperature in a air-tight container.

when you want a cup of hot chocolate, just dip the cube in a cup of hot milk and stir until it is dissolved.

you can add spices like cinnamon or cloves to the mixture or even a pinch of hot paprika for a mexican hot chocolate.

ДУЊИ ВО СИРУП

за една тегла од 400 ml:

1 голема дуња

300 ml вода

125 g кафеав шеќер

1 кесичка ванилин шеќер

2 лажици мед

неколку ленти од надворешната кора од лимон

4 – 5 кришки свеж ѓумбир

2 кесички црн чај (јас употребив earl grey)

излупете ја дуњата, исчистете ја од семките и исечете ја на тенки резанки. ставете ја во тенџере заедно со другите состојки, освен кесичките чај, и загревајте ја додека не зоврие. потоа намалете ја температурата на тивко. додајте ги кесичките чај и извадете ги по 5 минути.

варете ги дуњите во сирупот околу 20 минути, додека малку не омекнат, ама да не се распаѓаат, и додека сирупот малку не се згусне. извадете ги лушпите од лимон и парченцата ѓумбир и фрлете ги (јас, како голем љубител на ѓумбир, се разбира дека го изедов).

префрлете ги дуњите и сирупот во чиста тегла, затворете ја, чукнете ја полека од маса за да се кренат меурчињата воздух и оставете ја да се олади на собна температура. потоа чувајте ја во фрижидер, може да стои неколку недели.

рецептот е од овде.

QUINCE IN SYRUP

for a 400 ml jar:

1 large quince

300 ml water

125 g brown sugar

1 sachet vanilla sugar

2 tablespoons honey

a few strips of lemon zest

4 – 5 slices of fresh ginger

2 tea bags black tea (i used earl grey)

peel and core the quince and cut it into thin slices. put it in a pot with everything else, except the tea bags and bring to a boil, then reduce heat to a bare simmer. add the tea bags and and let steep for 5 minutes, then remove them.

cook the quince on low for 20 minutes, covered and then 10 more minutes uncovered, or until the slices are tender but don’t fall apart and the syrup has thickened a little. remove the lemon zest and ginger slices.

pour the quince slices and the syrup into a clean jar, close the lid, gently tap on the counter to release air bubbles and leave to cool to room temperature. store in the fridge for a few weeks.

the recipe is from here.

ПАНАКОТА СО ЈОГУРТ

веќе знаете дека панакота се прави лесно. дали е со кокосово млеко или со јогурт, одлично оди со благи работи како дуњи во сируп.

рецептот е од тука.

за 6 – 7 чашки:

4 лажици вода

1 кесичка (10 g) желатин

2 шољи јогурт

2 шољи слатка павлака

⅓ шоља шеќер

помешајте ги водата и желатинот во мала здела и оставете ги околу 10 – 15 минути, додека желатинот не набабри.

полека загрејте 1 шоља слатка павлака заедно со шеќерот, со постојано мешање. додајте го желатинот, промешајте и тргнете го тенџерето од шпорет.

изматете ја останата шоља слатка павлака со јогуртот. додајте ја смесата со желатин и убаво изматете. сипете ја панакотата во чаши и ставете ја во фрижидер неколку саати пред да ја послужите, а најдобро е да отстои еден ден. додајте ги дуњите со сирупот непосредно пред послужувањето.

YOGURT PANNA COTTA

you already know that it’s very easy to make panna cotta. whether it’s made with coconut milk or yogurt, it goes well with sweet things like the quince in syrup.

the recipe is from here.

for 6 – 7 servings:

4 tablespoons water

1 packet (10 g) unflavored gelatin

2 cups plain yogurt

2 cups heavy cream

⅓ cup sugar

mix water and gelatin in a small bowl and set aside for 10 – 15 minutes, until the gelatin softens.

bring 1 cup cream and the sugar to a slow simmer. stir in gelatin and remove from heat.

whisk the remaining cream with the yogurt. add the gelatin mixture and whisk. pour mixture into small cups and chill in fridge for a few hours, or, better, overnight. add the quinces and syrup right before you serve the panna cotta.

ЕГИПЕТСКА ДУКА

дука е египетска мешавина од зачини направена од јаткасти плодови, сусам и семиња како коријандер и кумин. постојат разни рецепти, јас за почеток го направив овој, со лешници. многу убаво мириса, а вкусот е заразен, секој залак ве кани да каснете уште.

дука во египет се јаде така што ќе потопите парче леб или лепиња во ладно цедено маслиново масло, па во дуката… многу е вкусно. ама вкусна е и посипана врз салата, врз печен зеленчук, како крцкава коричка за печена риба или пилешко, врз печени или варени компири, врз хумус…

¼ шоља зрна коријандер

⅓ шоља лешници

⅛ шоља цели зрна кумин

¼ шоља сусам

½ лажиче сол

свежо мелен црн бибер

загрејте ја рерната на 180°C и истостирајте ги коријандерот и сусамот околу 5 минути, куминот и лешниците околу 10 минути. оставете ги малку да се оладат, па излупете ги лешниците од тенката кафеава лушпа (ако се нелупени).

ставете ги сите состојки во сецко и сомелете ги, не сосем ситно. или истолчете ги во аван. префрлете ја мешавината во тегла и можете да ја чувате во фрижидер неколку недели.

EGYPTIAN DUKKHA

dukkha is an egyptian blend of nuts, seeds and spices. there are many recipes and combinations, to try it i made this one, with hazelnuts. it’s fragrant and addictive, every bite invites you to have more.

dukkha in egypt is served with bread and extra-virgin olive oil, dipping the bread first in the oil, then in the dukkah. it is delicious eaten that way, but it’s also very tasty sprinkled over salad or roasted vegetables, as a crust for roasted chicken or fish, over potato salad or hummus…

¼ cup whole coriander seeds

⅓ cup hazelnuts

⅛ cup whole cumin seeds

¼ cup sesame seeds

½ teaspoon salt

freshly ground black pepper

preheat the oven to 180°C and toast coriander and sesame seeds for about 5 minutes, cumin and hazelnuts for about 10. let the nuts and seeds cool a bit, then remove the skins from the hazelnuts (if there are any).

put all ingredients in a food processor and grind them coarsely. or use a mortar and pestle. store in a jar in the fridge. it will keep a few weeks.

ЛЕПЧЕ СО ЛУКЧЕ

ако сте љубител на лукче, ова лепче ќе ве примами со мирисот и додека го правите и додека се пече. одлично е за сендвичи, за во салата панзанела, а и вака, за макање во маслиново масло и дука. рецептот е прилагоден од тука.

2 шољи млака вода (+ ⅓ шоља ако е потребно)

¼ шоља маслиново масло

1 кесичка сув квасец (7 g)

2 шољи интегрално грахам брашно (или обично пченично интегрално брашно или интегрално брашно од спелта)

2 и ⅓ шољи меко бело брашно тип 400

6 чешниња лукче, истолчени

½ шоља ливчиња свеж магдонос (или замрзнат)

2 лажички сол

брашно за посипување врз лепчињата

измешајте ги топлата вода и квасецот во вангла и оставете ги околу 5 минути. ако користите грахам брашно најверојатно ќе треба да ја употребите онаа 1/3 шоља вода плус, грахам брашното како да впива повеќе. потоа додајте ги сите други состојки за лепчето, освен брашното за посипување, и измесете го тестото со миксер со додатоци за тесто или со рака, додека не стане мазно и убаво соединето. јас прво го мешам со миксер, па потоа уште малку рачно.

оформете го тестото во топка, премачкајте го со масло и оставете го во ванглата покриено со пластична фолија да нарасне. јас обично го ставам во фрижидер до следниот ден и потоа го оставам на собна температура еден час. ако сакате да го печете лепчето истиот ден, оставете го на собна температура или негде каде што е потопло, додека не нарасне дупло, околу еден или два часа.

потоа поделете го тестото на два дела. на побрашнета површина, притиснете го едниот дел во форма на квадрат, замотајте го како ролат, завртете го ролатот за 90° и повторно замотајте го во ролат почнувајќи од пократката страна. ставете го на страна, со крајот надолу и направете го истото и со другиот дел од тесто.
посипете големо тавче со палента. префрлете ги лепчињата во тавчето, ама малку со дланките притиснете ги од средината кон краевите да се издолжат. посипете ги со многу брашно, покријте ги со крпа и оставете ги да растат уште еднаш, околу 1 час.

загрејте ја рерната на 250°C. ставете тавче со вода на дното. засечете ги лепчињата на 3 – 4 места под агол и ставете ги да се печат. веднаш намалете ја температурата на 230°C, а по 20 минути намалете ја на 180°C и печете ги уште десетина минути.

GARLIC BREAD